TANHRIL MZU VENG KOHHRAN
Presbyterian Church of India
(Kohhran Registration No: 555)

Bial KTP Conference Vawi 29-na kan kohhran-ah hman mek a ni

A hun : 24-26 January 2025
Speaker : Rev. Dr. Rosiamliana Tochhawnga
Thupui : "Pathian Hnaih" (Sam 73:28)

CONFERENCE THLALAK ENNA

Kum 2025 Rawngbawltute Photo Album

KOHHRAN CHANCHIN TAWI:

Tanhril MZU Veng Kohhran hi Mizoram Presbyterian Kohhran, Tanhril Pastor Bial-a awm a ni a, kum 2018-a din a ni. Kohhran a lo din chhoh dan chu hetiang hi a ni:

Preaching Station a awm tan : Ni 23.07.2017
Branch Church-a awm tan : Ni 19.11.2017
Kohhran puitlinga awm tan: 17.11.2018

Biak In hi MZU Campus, Gate No 2 bul-ah a awm a, Tanhril Veng leh MZU Campus atanga pan theih a ni. Kum 2024 ah hian Kohhran member 210 awmin dan zawh kim member 147 an awm mek a. Kohhran Upa 4 leh Tual Upa 4 an awm mek a ni. Kum 2025-ah hian Kohhran chhungkua 54 an awm a, dan zawh kim 134 an awm mek. MZU leh a chhehvela awm zirlai engemaw zat an lawi ve bawk. Kohhran inlungrual leh hlim thei tak an ni.

MZU ZIRLAI PUAL INKHAWM (25.8. 2024)

Ni 25.8.2024 (Pathianni) Zanah Tanhril MZU Veng Kohhran leh Central KTP chuan MZU Zirlai pual inkhawm a buatsaih a. He hunah hian CKTP Hruaitute, Mizoram Synod Choir, Tanhril Pastor Bial Zaipawl te leh MZU chhehvel Hostel-a awm MZU Zirlaite nen hun hman a ni a. Pathian Biak Inkhawmah Rev. Dr. Rosiamliana Tochhawng, CKTP Leader-in Pathian thuchah a sawi a. Inkhawm banah Fellowship hlimawm tak neih zui a ni. Inkhawmah hian mi 520 zet kan tel a, a lawmawm hle a ni.

MZU Zirlai Pual Inkhawm Thlalak Enna

Rev. Dr. C.Chawnghmingliana,Synod Moderator-in kan kohhran a rawn tlawh (Ni 29.1.2023)

Ni 29.1.2023(Pathiani) zanah Rev Dr. C.Chawnghmingliana, Synod Moderator-in kan kohhran a rawn tlawh. He hunah hian Bialtu Pastor-in inkhawm a kaihruai a. Moderator hi Bial Chairman,Bial Secretary leh a nupui Pi Zokimi ten an rawn tawiawm a ni. Bial Zaipawl, Kohhran Zaipawl leh Nl. Lalrempuii Hnamte, Tanhril ten Pathian fakna hla an sa a, Moderator hnen atangin thuchah pawimawh tak ngaihthlak a ni. Kohhran Committee te nen zanriah an kilho a ni.

Biak In thar luah tan a ni ( Ni 17.12.20222 Inrinni Zan)

Pathian kaihhruainain Biak In tharah Ni 17.12.2022 ( Inrinni) zan atangin inkhawm tan a ni. Preaching Station din tirh atangin kohhran hall atana ruahmanah inkhawm thin a ni a. Kum 2018-a Kohhran puitling a lo nihin Kohhran Committee chuan kum 7 chhungin Biak In thar peih hman tum nise tiin a rel a. Chumi bawhzui chuan Ni 11.2.2021 (Ningani) atangin hlawhfa ruaiin Biak In thar chu sak tan a ni a. Covid 19 hrileng karah pawh theih ang anga thawk chhunzawm zelin Ni 26.11.22 (Inrinni) thleng Cement Work hna thawh a ni a. Cement Mistiri te hnathawh hun chhung hi ni 452 a ni. Tichuan, thawh tur engngemaw zat la awm chungin Kohhran Committee-in luah luh theih tawha a ngaih avangin Biak In thar chu luah a ni ta a ni.

Kohhran Committee leh Bialtu Pastor

click here to download image 👇

TANHRIL PASTOR BIAL

NAUPANG INKHAWMPUI

JUNIOR, INTERMEDIATE LEH SACRAMENT DEPARTMENT

Ni 8th September, 2024

Naupang inkhawmpui 2022

Ni 11.9.2022 (Pathianni ) khan Tanhril Pastor Bial Naupang Inkhawmpui neih a ni a. Kan Kohhran-ah Beginner Department (10:00AM) leh Primary Department (1:00PM) ten Inkhawmpui hun an hmang a. Hun hlimawm tak hman a ni.

Chawhma inkhawm zawng zawng zat: 272
Chawhnu inkhawm zawng zawng zat : 221

Page updated

Google Sites